Koronavirusla bağlı

“İmmunitet sertifikatı” nədir və kimlərə verilir?

“İmmunitet sertifikatı” koronavirusa yoluxduqdan sonra yaranan immun cavabı təsdiq edir. COVID-19 xəstəliyini keçirmiş və bununla bağlı PZR testi vermiş, nəticəsi pozitiv çıxmış və rəsmi qeydiyyata düşmüş şəxslər “İmmunitet sertifikatı” əldə edə bilərlər.

“İmmunitet sertifikatı”nın etibarlılıq müddəti nə qədərdir?

“Peyvənd sertifikatı” olan 2-ci dozanın üzərindən 6 aydan çox keçmiş şəxslərin COVID-19 pasportu fevralın 15-dən etibarlı sayılacaqmı? 
- İkinci dozadan 6 ay sonra qoruyucu immunitetin səviyyəsinin azalmasını nəzərə alaraq, bədənin anticisimlərini yenidən yüksək səviyyəyə çatdırmaq üçün  gücləndirici doza qəbul olunmalıdır. Əks halda 2-ci dozanın üzərindən 6 aydan çox keçmiş şəxslərin “peyvənd sertifikatı” fevralın 15-dən etibarlı hesab edilməyəcək.  

“İmmun sertifikatı” olan şəxsin xəstəliyindən 6 ay keçdikdən sonra bir doza vurdurubsa və həmçinin bir dozanın üzərindən də 6 ay keçibsə fevralın 15-dən həmin şəxsin COVID-19 sertifikatı etibarlı olacaqmı? 

“İmmun sertifikatı” olan şəxs xəstəliyindən 6 ay keçdikdən sonra buster doza qəbul edibsə onun “immun sertifikatı” “peyvənd sertifikatı” ilə əvəzlənir.  Bu səbəbdən fevralın 15-dən həmin şəxsin “peyvənd sertifikatı”nın müddətinə hər hansı bir məhdudiyyət qoyulmayacaq.

Altı ay əvvəl xəstəliyə yoluxmuş və Səhiyyə Nazirliyi Elmi Şurasının 02 iyul 2021-ci il tarixindəki müvafiq qərarından əvvəl 1 doza vaksin vurduran şəxsin vaxtı bitmiş “İmmunitet sertifikatı”nın müddəti uzadılırmı?

02 iyul 2021-ci il tarixindən sonra “İmmunitet sertifikatı”nın müddəti bitdiyi üçün ölkəmizdə istifadə olunan hər hansı vaksindən 1 doza qəbul edən şəxsin “İmmunitet sertifikatı” müddətsiz olaraq uzadılır. 02 iyul 2021-ci il tarixindən əvvəl 1 doza vaksin vurdurmuş şəxslər isə 2-ci doza vaksini mütləq vurdurmalıdırlar.

“Peyvənd sertifikatı”nın etibarlılıq müddəti nə qədərdir?

“Peyvənd sertifikatı” müddətsizdir. Dünyada COVID-19 əleyhinə vaksinasiyadan sonra yaranan immun cavabın dayanıqlılığı və müddəti istiqamətində elmi tədqiqatlar davam etdirilir. Aparılan tədqiqatların nəticələri açıqlandıqdan, ÜST və digər beynəlxalq səhiyyə qurumlarının tövsiyələri məlum olduqdan sonra bu məsələyə yenidən baxılacaq.

Əks-göstəriş sertifikatı əldə etmək istəyən hamilə qadınlar və süd verən analar hansı sənədlər əsasında hansı müəssisəyə müraciət etməlidirlər?

Əks-göstəriş sertifikatı üçün hamilə qadınlar qeydiyyatda olduqları tibb müəssisəsindən hamiləlik registrindən çıxarış və şəxsiyyət vəsiqəsinin surəti ilə ərazi üzrə poliklinikada sahə terapevtinə müraciət etməlidirlər. Süd verən analar isə uşağın doğum haqqında şəhadətnaməsinin və ananın şəxsiyyət vəsiqəsinin surəti ilə yenə sahə terapevtinə müraciət etməlidirlər. Eyni zamanda təqdim edilən sənədlərdə mobil telefon nömrəsi və yeni növ şəxsiyyət vəsiqəsi olan vətəndaşlar faktiki yaşayış ünvanını qeyd edilməlidir.

COVID-19-a yoluxmuş andan körpəyə virus ana südü ilə keçə bilərmi?

Aparılan araşdırmalar göstərir ki, ana südündən körpəyə COVID-19 keçə bilməz. Virus anadan körpəyə yalnız süd verərkən tənəffüs yolları vasitəsi keçə bilər. Bu səbəbdən COVID-19-a yoluxmuş analara süd verərkən tibb maskadan istifadə etməyi və gigiyena qaydalarına əməl etmək tövsiyə edirik.

Vətəndaşları maraqlandıran daha bir sual: COVID-19 peyvəndlərinin yan təsirləri hansılardır və peyvənddən reaksiyası yaranarsa nə etmək lazımdır?

Ümumiyyətlə, peyvəndlərin yan təsirləri yüngüldür və qısamüddətlidir. Peyvənddən sonra ilk iki gündə ən çox rast gəlinən yan təsirlər; yorğunluq, ağrı, titrəmə və inyeksiya edilən qolda ağrı və ya həssaslıqdır. COVID-19 peyvəndlərinin bir və ya iki gün davam edən qızdırma və ya əzələ ağrısı kimi yüngül və qısamüddətli yan təsirləri olduğu bilinir. Allergik reaksiya və ya laxtalanma problemləri kimi ciddi yan təsirlər çox nadirdir. Qripə bənzər simptomlar da ola bilər. Məsləhət üçün həkimə müraciət etmək lazımdır.

Tibbi maskanı necə düzgün geyinmək lazımdır?

1. Tibbi maskalar ağız və burun nahiyəsini səliqəli örtməklə, üz və maska arasındakı boşluqları minimuma endirmək şərti ilə taxılmalıdır.

2. Tibbi maskanı çıxarmadan öncə əllərinizi yuyun; maskanı çıxararkən elastik ilmələrdən və ya qaytanlardan istifadə edin; maskanı çıxarandan sonra əllərinizi yuyun.

3. Tibbi maskanı çirkləndiyi və ya nəmləndiyi zaman dəyişdirin.

4. Birdəfəlik maskalardan təkrarən istifadə etməyin. İstifadədən sonra material mütləq xüsusi qapalı tullantı qutularına atılmalıdır.

COVID-19-a kimlər daha çox risk altındadır?

Hər yaşda insanlar virusa yoluxma riski altındadır. Bununla belə, əksər digər respirator virus xəstəliklərdə olduğu kimi, uşaqlar və 65 yaşdan yuxarı insanlar, immun sistemi zəifləmiş olan vətəndaşlar ağır xəstəlik riski altındadır.

Onlayn müraciət

Müraciət forması

Müraciətinizi yazmazdan əvvəl nəzərdə tutulmuş formanın düzgün doldurulması vacibdir

  • Müraciət aydın yazılmalıdır
  • Müraciət edərkən etik qaydaları gözlənilməlidir
  • Elektron müraciətin mətni 1500 işarədən çox olmamalıdır
  • Məktub göndərmək üçün aşağıdakı formanı doldurun. - (* - vacib sahələr)

Analitik Ekspertiza Mərkəzi respublikamıza daxil olan dərman vasitələrinin qeydiyyatı, dərman vasitələrinin idxalına icazənin verilməsi, aptek şəbəkəsində dərman vasitələri dövriyyəsinin və təhlükəsizliyinin tənzimlənməsi, özəl tibb və əczaçılıq fəaliyyətləri ilə məşğul olan aptek və digər tibb müəssisələrinin fəaliyyətlərinə nəzarət edilməsi funksiyasını daşıyır. Həmçinin əhali ilə əlaqə yaradaraq dərman vasitələrindən istifadə zamanı rast gəlinən arzuolunmaz təsirlər haqqıında məlumat toplyaraq vətəndaşların səhhətinə zərər yetirə biləcək səbəblərin aradan qaldırılması istiqamətində aktiv fəaliyyət göstərir.

Analitik Ekspertiza Mərkəzi respublikamıza daxil olan dərman vasitələrinin qeydiyyatı, dərman vasitələrinin idxalına icazənin verilməsi, aptek şəbəkəsində dərman vasitələri dövriyyəsinin və təhlükəsizliyinin tənzimlənməsi, özəl tibb və əczaçılıq fəaliyyətləri ilə məşğul olan aptek və digər tibb müəssisələrinin fəaliyyətlərinə nəzarət edilməsi funksiyasını daşıyır. Həmçinin əhali ilə əlaqə yaradaraq dərman vasitələrindən istifadə zamanı rast gəlinən arzuolunmaz təsirlər haqqıında məlumat toplyaraq vətəndaşların səhhətinə zərər yetirə biləcək səbəblərin aradan qaldırılması istiqamətində aktiv fəaliyyət göstərir.